

Hainbat ekintza barne hartuko ditu kanpainak:
-Kaleetan gabonetako giroa sortuko da gabonetako argiztapenarekin eta erakusleihoen apainketarekin. Gabon giroak jai-giro atsegina sortzen lagunduko du, kaleetan gabonetako espiritua bultzatuz eta kontsumoa sustatuz.
-Areizaga Kalebarreneko eszenatokia apainduko du Bi-Tartean Elkarteak eta Olentzero eta Mari Domingi irudi erraldoiak jarriko ditu abenduaren 16an eta urtarrilaren 6a arte egongo dira bertan. Hurbileko merkataritza presente egotea izango da helburua.
-Establezimenduetan bi bereizgarri komun izango dituzte: Herrian erostearen magia bereizgarria eta kriseilua. Kriseiluak eskuz egin dituzte merkatariek elkarrekin.
-Udalek antolatzen duten gabonetako erakusleiho lehiaketa kudeatzen lankidetza egingo du elkarteak. Gainera, aurten ere herritarren bozkak saria izango du. Abenduaren 7tik 15era herritarrek bozka eman ahal izango diote erakusleiho gustokoenari. Bi-Tartean Elkarteak bozka ematen dutenen artean 100€ko erosketa balea zozkatuko du.
-Sareetan “Elkarrekin, onena aukeran” kanpainaren itxiera egingo da.
–“Elkarrekin argia gara” bideoa sortuko du elkarteak. Musika Eskolak ere parte hartuko du eta Gattikenekin egingo du elkarlana.
–Erosketak dinamizatzeko Olentzero eta Mari Domingiren zakuaren zozketa egingo du Bi-Tarteanek (abenduaren 9tik aurrera erosketekin papeletak banatuko dituzte bezeroen artean eta abenduaren 20an Areizaga Kalebarrenen erosketa baleen zozketa egingo da).
–“Elkarrekin argia gara” ekintza gauzatuko da Pagoeta Espazio Soziokulturalean. Abenduaren 18an bertan elkartzea da asmoa eta bideoaren proiekzioa, musikarien eta dantzarien zuzeneko emanaldia eta mokadutxoa egingo dute merkatariek.